كنافة بالمكسرات
المقادير:
• ½ كيلو كنافة
• 1 كوب سمنة سايحة
• 3 معالق كبيرة
سكر بودرة
• مكسرات (أي نوع
بتحبوه)
مقادير الشربات:
• 2 كوب ماء
• 2 كوب سكر
• فانيليا
• عصرة ليمون
الطريقة:
نحط الكنافة في
الفريزر تتجمد، وبعد كده نطلعها ونفركها بأيدينا كويس لحد ما تبقى مفتتة. نسيبها
تهدى وتوصل لحرارة الغرفة، وبعدها نضيف السكر البودرة ونخلط كويس. ندهن صينية
بالسمنة كويس جدًا، ونفرد نص كمية الكنافة، مع رفع جزء منها على الجوانب علشان
تمسك الحشوة.
نضيف المكسرات
في النص، سواء بندق، لوز، فستق أو حتى سوداني، وبعد كده نغطيها بباقي الكنافة
ونضغط عليها برفق. ندهن الوش بسمنة خفيفة، وندخلها فرن سخن على درجة حرارة 200 لحد
ما تاخد لون دهبي حلو.
تحضير الشربات:
في حلة على
النار، نحط السكر والمية ونقلب لحد ما السكر يذوب. نسيبه يغلي على نار هادية لمدة
10 دقايق، وبعدها نضيف عصرة ليمون وفانيليا، ونطفي النار ونسيبه يبرد.
الخطوة الأخيرة:
أول ما تطلع
الكنافة من الفرن وهي سخنة، نسقيها بالشربات البارد، ونسيبها تتشرب كويس. نزينها
بالمكسرات وبالهنا والشفا.
